“Hondoko itsasoa” sailak kostaldeko geografia zeharkatzen du, noraezean baina autorearen oroimen eta eskarmentuei lotuta. Izan ere, lurraldearekin, itsasoarekin eta olatuekin dudan harremanaren isla da.
Argazki bakoitzean, koadro bat edo eszenatoki bat balitz bezala, hondoko itsasoa ageri da beti. Iraganeko oroimenak dakartzan dekoratua, non argazkilariaren begirada ostertzean galtzen den, non urak berun koloreko zerua dakarren, akaso, hondoko itsasoaren zain.