Globalizazioko lehen krisialdi handiaren ondorio ekonomiko, politiko eta sozialak sakon aztertu dira hainbat forotan. Artearen munduak, ostera, ez du orain arte gai horri buruz duen ikuspuntua azaldu. Hain zuzen ere, 'Iritsi beharrekoa iritsi da' gure gizartearen etorkizun hurbila baldintzatuko duen eztabaidari egindako ekarpen handia da, XXI. mende hasierako eztabaidagai nagusietako bati emandako erantzun kolektibo eta diziplina anitzekoa.
Krisi egoerarako irtenbide posiblea bilatzeko beharra du abiapuntu erakusketak. Artista guztiek gizartearen egituraketa berri baterako gogoetak plazaratzea izan dute helburu nagusitzat. Erantzun horiekin elkarrekin lotutako hiru atalen inguruan antolatu dituzte: 'Utopia suspertu da', 'Modernitatea, proiektu osagabea?' eta 'Etorkizuna hemen daukagu'.
Bideoak, instalazioak, margoak eta argazkiak, bizi garen munduan eragina izan nahi duen ekimen batean.
kmk.gipuzkoakultura.eus/eu/erakustaretoa/laster/1500-etorri-beharrekoa-iritsi-da