2022-04-22

Koldo Mitxelena Kulturuneko Ganbara Erakusketa Aretoak ateak irekiko ditu berriz ere apiriletik uztailera bitartean, Egile Sarien lehen deialdian saritutako hiru artisten erakusteko. Ekimena Gipuzkoako Foru Aldundiak sustatu du Piztu Kultura programaren barruan, pandemia garaian kultura eta sorkuntza-sektorea suspertzeko. Irati Canoren (Donostia) 'China Girls', Gari Arambarriren (Azkoitia) 'Tiempos y otros mundos emocionales' eta Ainize Sarasolaren (Orio) 'Ultraviolence'. Harkaitz Millán Kultura diputatuak nabarmendu zuenez, “zikloaren eta Ganbararen berrirekieraren helburua saritutako proiektuak sustatu eta zabaltzea da”.