Aurtengo abagunea Campos Eliseos Antzokian ospatuko da ere, ekainaren 27tik uztailaren 3ra. 2016 honetan boskarrenez, FETABI jaialdian parte hartu ahal izango dute antzerki-eskoletako ikasleek osatutako antzerki talde edo konpainiek, Espainiar estatukoak badira. Bide batez, unibertsitate-campusetako ikasleek osatutako antzerki taldeek. Lehiaketan aurkeztuko diren antzezlanen testuak, originalak edo aurreko obra dramatiko edo beste genero bateko moldaketak izanda ere, aurretik SGAEn erregistratu beharko dira, eta Espainiar estatuko edozein hizkuntza ofizialean antzeztu ahal izango dira.

SGAE Fundazioa bera eta Euskadiko SGAE Lurralde Batzordea ditugu ekimen honen atzetik, AISGE Fundazioa eta Deabru-Beltzak antzez-dantza taldea lagun. Sariak 250 eta 540 euro artekoak dira zazpi kategoriantzako. Kalitate eta arte interesei begira, Batazorde batek lehen hogei lanak hautatuko ditu, gerora, hamabi guztira bereizteko. Horietatik sei Jaialdian parte hartuko dute, lehiaketan. Gainontzeko seiak OFF FETABI deritzon esparru berrian ikusterik izango dira, lehiaketatik at, Kupula Aretoan. Hamabi horietatik bik euskaraz behar dute izan, derrigorrez.