Baliteke hamarkada batzuk barruk telebistek 'euskal gatazka' zeritzanari buruzko dokumentalak emititzea, Gerra Zibilarekin (askorentzat berandu) gertatu zenaren antzera. Badaezpada, Glu Glu konpainiak antzezlan hau ekoizteko ausardia izan du, azken hamarkadetan zehar gatazka konpondu nahi egin diren elkarrizketei buruzko antzerti-dokumentala.

 

"Hori zen erronka: gauzak gertatu ziren bezala kontatzea, dokumentazio lan handia eginez", azaldu du Galder Perezek, 'Su txikian'-en gidoigileak. "Tamalgarria da 60 urte itxaron behar izatea gauzak kontatzeko eta sortzailek erronka horri heldu behar diogu", gehitu du. Autozentsurarik gabe aurrera eraman duten erronka, gertaerak hainbat ikuspuntutatik aurkeztuz eta Maite Arroitajauregik (Mursego) sortutako musikak lagundutako dramaturgia erabiliz.

Hamarkada batzuk itxaron dezakegu norbaitek antzeko zerbait konta diezagun edo oraintxe bertan joan 'Su txikian' ikustera.