Alanbre-hesi handia. Muga gaindiezinaren aurrean ehunka iheslari pilatzen dira, akituta, beren txartelaren bila. Eta nora eramango ditu txartel horrek? Bada… Urteko lehiaketarik dibertigarrienera! Nor sartuko da? Gaur, agian, zure txanda izango da, baina zein aldetan?

Antzerkia, musika eta dantza nahasian. CEAR-Euskadiren (Iheslariei Laguntzeko Batzordea) Memoriak proiektutik sortutako ikuskizunak satira eta gizarte kritika barra-barra ditu, eta historikoa bezain gaurkoa den gai bat du ardatz: iheslariak.
Plataforma Tirante diziplinarteko kolektibo artistikoa da. 10 urteko ibilbidea du, eta izaera ikusbera, bilaketa eta etengabeko ikasketa ditu ezaugarri. Azken urteotan, Garapenerako Lankidetzako, ikerkuntzako, gizarte sentsibilizazio eta eraldaketako profesionalek parte hartu dute, eta talde anitza sortu dute, zorroztasuna eta estetika apurtzailea emanez.

Zuzendaritza: Estibaliz Villa, Jose Ibn
Egileak: Nelida Ranedo, Marie Toure, Dairi Brown, Estibaliz Villa
Musika: José Manuel Gutiérrez
Eszenografia: Iñaki Aginaga
Jantziak: Ane Pamparacuatro