Testua: Donostia Kultura |
Genero honek mundu aldarri eta gatazkatsuaren konplexutasuna islatzeko gaitasun handia du, bere narrazio-tresnak eta bere zuzeneko lekukotza dela eta. Gaur egun informazio ugari dugu, baina gehiena azalekoa eta azkar kontsumitzen dena. Kronikak, ordea, errealitateari begirada sakonagoa zuzentzen dio, gertakizunen ikuspegi eta interpretazio landuagoa eskaintzen du. Eta hori bera narrazioaren indarraz eta literaturaren esperientziaz baliatuz egiten du.
Zikloaren lehen bi solasek Afrika eta Latinoamerikako errealitate gordinak ekarriko dizkigute. Karlos Zurutuzak Tierra adentro idatzi du, Europarako bidean Libian zehar arriskuz beteriko bidea egiten dutenen erretratua: miliziak, mafiak, talde terroristak… Ginkana lazgarria gainditu behar dute patera batean bizitza berriz ere arriskatu aurretik. Cartas desde Zacatraz-en Roberto Valenciak, ia 20 urtez El Salvadorren bizi den kazetari gasteiztarrak, Erdialdeko Amerikako mara beldurgarrien inguruko arnasa kentzeko errelatoa egiten du, urtetan El Salvadorko gizon arriskutsuena izan zen Gustavo Adolfo Parada Morales El Directo-ren kasua ardatz hartuta.
Hirugarren solasean Ane Irazabalek erreportariaren edo berriemailearen ofizioaren erretratua egingo du, bere esperientziatik abiatuta. Irazabalek sakonki ezagutzen ditu Ekialde Hurbileko hainbat gune gatazkatsu, bereziki, Palestina. Hiru solasaldi hauetan Ander Izagirre kazetaria izango da gonbidatuen elkarrizketatzailea eta bera izango da zikloari amaiera emango diona oso hitzaldi berezi batekin: “Cansasuelos, o el arte de escribir con los pies”, kronikaren interpretazio emankor bat: botak jantzita, munduan barrena bidaiatzen duen kazetaritza ariketa.
URRIA 23 TIERRA ADENTRO: VIDA Y MUERTE EN LA RUTA LIBIA HACIA EUROPA KARLOS ZURUTUZA Areto Nagusia.19:30 gaztelania
AZAROA 6 CARTA DESDE ZACATRAZ ROBERTO VALENCIA Areto Nagusia.19:30 gaztelania
AZAROA 27 ERREPORTARIAREN OFIZIOA ANE IRAZABAL Areto Nagusia.19:30 euskara
ABENDUA 11 CANSASUELOS (O EL ARTE DE ESCRIBIR CON LOS PIES) ANDER IZAGIRRE Areto Nagusia.19:30 gaztelania