Euskal antzerkigintzaren ekosistemak Borobil Teatroa du bere sortze-ahalmen bikainaren erakusgarri nagusietakoa. Konpainia 2012. urtean sortu zen, Anartz Zuazua aktore eta autorearen bultzadaz. Geroztik, antzerki-hizkuntza fisikoa eta inprobisazio dosiak oinarritzat dituen ibilbidea osatu du, zenbaitetan publiko helduari eta bestean haurrei zuzendutako lanak sortuz.
Umorez eta irudimenez beteriko lanak sortu ditu Borobil konpainiak: ‘Ali Baba eta 40 lapurrak’ (gizonezko aktorerik onenaren Feten Saria 2015. urtean), ‘On egin’, ‘Jokoz kanp’ eta ‘Gu’ antzezlanek osatzen dute bere katalogoa. Eduki sozial handiko gaiak jorratzen ditu, umoreari uko egin gabe.