Zirkua, antzerkia eta r&r ugari aurki daiteke 50etako Bartzelonako taberna batean girotutako antzezlan bitxi honetan. Dena grisa dela dirudienean, marinel amerikarren iritsierak ezusteko ospakizunaren hasiera markatzen du, eta publiko guztia dago gonbidatuta festara.
Oraingo honetan ez dago eztabaida posiblerik. Teatroren, zirkuaren eta dantzaren zaleak ados jar daitezke rock&roll klasikoaren jarraitzaileekin emanaldi hau elkarrekin ikusteko. Guztiontzako elkarguneak ‘Call me Maria’ du izena, genero horiek guztiak ikusle-belaunaldi desberdinentzat egokia den formatuan uztartzen dituen ikuskizuna.
‘Call me Maria’-ren istorioa rock&rolla Europara heldu zen garaiaren metaforatzat uler daiteke. 50eko hamarkadako Bartzelona frankistako taberna gris batean begi guztiak zuri-beltzezko ohiko futbol partidari begira ari dira; baina marinel iparramerikar batzuk sartzen direnean egoera goitik behera aldatuko da eta kulturen arteko talkak ezusteko jaia sorraraziko du.
Musikak, dantzak, antzerkiak eta zirkuko akrobaziek eszenatokia beteko dute erritmoz betetako ohiz kanpoko muntaia batean.
Segur aski asko interesatuko zaizu...
