Historiako klasiko nagusietako bat, Ur Teatro konpainiaren jakituriaz egokitua. Shakespeareren hitzei Verdi-k izenburuko bereko operarako sortu zuen musika gehitu zaio. Madrilgo Ahots Grabeen Abesbatzaren eskutik, Iñaki Salvador piano-jotzaileak beren-beregi sortutako zenbait partiturarekin batera.
Betiko klasiko berbera da, baina ezer ez da berdina. Ur Teatro konpainiak kontzeptu berria sortu du ‘Macbeth’ unibertsalaren gainean. Bertan Shakespeare-ren jatorrizko testuari eta Verdi-k konposatutako musikaren zati bati musika eta antzerti-osagai berriak gehitu zaizkio, bideo eta argiz egindako lan bikaina oinarri duen eszenografia batek bildurik.
“Lan handia egin da pieza guztiak elkartzeko eta egia esan ikusi ditudan zenbait emanalditan ikusleak liluraturik irten dira, baina ez itsuturik; eta hori garrantzitsua da, proposamen eszenikoagatik eta ikus-entzunezko lanagatik”, azaldu du Iñaki Salvador piano-jotzaile eta konpositoreak, lanaren musika-zuzendaria eta moldaketa honi gehitu zaizkion jatorrizko partiturak sortu dituena. Eszenatokian, elementu klasikoek eta ikus-entzunezkoek bat egin dezatela eta elkarri laguntza eman diezaiotela lortu du Helena Pimenta zuzendariak, muntaia biribiltzeko.
Antzezleen lanari Madrilgo Ahots Grabeen Koruarena gehitu zaio. Salvadorrek egokitutako Verdiren zenbait pasarte abesten ditu abesbatzak, piano-jotzaileak berak beren-beregi sortutako beste zenbaitekin batera.
“Macbeth begirunetsua da baina ausarta, eta merezi du klasiko honi berriz ere heltzea, gure buruari giza izaeraren inguruan galdetzen jarraitzeko eta gure buruaz ikasten jarraitzeko”, erantsi du musika-zuzendariak.
Segur aski asko interesatuko zaizu...