Inprobisatzaile birtuosoa eta muga musikal berrien esploratzaile nekaezina. Horrelakoa da Bill Evans, erritmo brasildarretatik funkeraino doazen soinuak nahastuz, hip hopa edota reggaea ahaztu gabe, jazz tradizionalaren mugak gainditu dituen saxofoi-jotzailea.

Zinta bereizgarria beti bekokian jantzita duela, errimoz beteriko kontzertuak eskaintzen ditu Bill Evansek. Pertsona hurbila da gainera, entzuleekiko harremanaz gozatzen duen horietakoa.

20 urteko ibilbidean bakarkako 16 disko grabatu eta Grammy sarietarako zenbait izendapen jaso ditu. Evansek ez dio utzi eszenatoki gainean gozatzeari, bere musikaz gozatzeko aukera emanez inprobisatzaile aparta eta doinu-sortzaile bikain baten arteaz gozatu nahi duten entzule guztiei.