Besteak beste The Scientists eta The Surrealists taldeetako buru moduan 30 urteko ibilbidea egin duen australiar musikaren mitoa, Kim Salmon herrialde hartako rockaren historiako izen nagusietako bat da. Bera eszenatoki gainean egonda, rock onez betetako gaua ziurtaturik dago.
Askorentzat, Kim Salmon The Scientists eta The Surrealists taldeetako abeslari eta buru ohia da, Australiako rockaren historian ezinbesteko bi talde hain zuzen ere. Musikari askorentzat ere, horiek bezalako bi taldetan parte hartu izana beren musika-ibilbideak justifikatzeko adinakoa izango litzateke. Baina hori ez da, ordea, rock&roll-ari emandako 30 urte bizkar gainean daramatzan artista honen kasua, intentsua bezain interesgarria den ibilbidearen egilea.
Kim Salmonena rock & rollari emandako bizitza izan da, punka lehertu zenetik harik eta The Surrealists taldearekin rockaren alderik ilunenera hurbildu zen arte. Taldea 1997an desegin zen zazpi Lp kaleratu ondoren, baina tarte gehigarria izan zuen 2006an berriz ere eratu zutenean Azkena Rock Festival-eko eszenatokira eraman zuen kontzertu-bira eskaintzeko.
Orain, musikari australiarra Hill Devil Hill taldeko bateria-jotzailearekin elkartu da, rock&roll ona, intentsitatea eta izerdia erruz eskaintzeko itxura duen birari ekiteko.
Segur aski asko interesatuko zaizu...