MUSIKA
Testua: Igor Cubillo

Jairo Zavalaren azken jauzi mortala
Depedro Jairo Zavala da, Vacazul taldeko kide ohia. Bakarka, sentimendua eta sentiberatasuna darizkio, eta bigarren diskoan (‘Nubes de papel’) maitasun eta sufrimenduei buruzko istorio eta metafora gehiago aletu ditu ahots zakarraz, espiritu mestizo argiaz eta folklorearekiko begiruneaz.

Jairo Zavala madrildarrak jauzi mortal bat baino gehiago egin ditu Vacazul rock taldea utzi zuenetik. Bluesa eta funka bezalako soinu beltzei ekin zien 3.000 Hombres-ekin, gitarra jo du Calexico talde gogoangarriarekin, eta zein baino zein harroago ote zen erabakitzeko lehiatik aldenduz, Depedro bakarkako proiektua abiarazi du.
Bere ahots zakar bezain eztiari ezin hobeto datorkio instrumentazio bero eta iradokitzailea, lasai eta zaindua, entzulea kulunkarazteko modukoa, nahiz eta hitzek betiereko loaz, afalorduko atsekabeaz edo gezurrezko putzuetan ito beharraz diharduten. Horiek dira 'Nubes de papel' bigarren disko honetan jorratzen dituen gaietako batzuk, aurreko lanaren muga-giroari eutsiz, xehetasun folklorikoaren distira aintzat hartzen duten oinarriez eta metal-moldaketez tinkotutako 'roots' sustratuaren bidez. Vetusta Morla eta Calexico taldeetako musikariak ditu lagun, eta Velvet Undergrounden 'what goes on' aldarazteko ausardia ere izan du. Jairo bezalako artista argi eta grinatsu gehiago behar ditugu.
 


Segur aski asko interesatuko zaizu...
Introspekzioa, itxurazko inprobisazioa eta nolabaiteko osagai onirikoa iradokitzen duten soinu-paisaia kezkagarriak ardatz, E... (gehiago irakurri)
GUGGENHEIM BILBAO MUSEOA
Otsailetik aurrera, Guggenheim Bilbao Museoko Atrioa zuzeneko musikaz blai izango da Kutxabank babesle duen Art & Music progr... (gehiago irakurri)
GEREDIAGA ELKARTEA
● Gazteek erantzun ona eman diote deialdiari. Aurrerantzean ere, euskal kulturaren transmisioan ekarpena egiten jarrait... (gehiago irakurri)
SALA BBK
BBK ON STAGE zikloaren laugarren denboraldia Bilboko BBK Salara itzuliko da 2024ko martxoaren 23tik aurrera. Zikloaren laugar... (gehiago irakurri)
EGO
Udako topaketa eta Musika Hamabostaldiko kontzertu historikoa eskaini ondoren, udazkeneko konpromisoei egingo die aurre gazte... (gehiago irakurri)
Maika Makovski (Palma de Mallorca, 1983) 'MKMK' bere zazpigarren diskoa aurkezten ari... (gehiago irakurri)
PAMPLONA/IRUÑA
EGO
Udako topaketa eta Musika Hamabostaldiko kontzertu historikoa eskaini ondoren, udazkeneko konpromisoei egingo die aurre gazte... (gehiago irakurri)
Kmon emanaldien egutegia
Gastronomia
Bidaiak
© Gestor de contenidos Gestor de contenidos HagaClic





Kmon

Licencia de Creative Commons
Lan hau Crative-Commons-en Aitortu-Ez Komertziala-Lan Eratorririk Gabe Nazioartekoa 4.0 delako baimen pean lago