Duela ez asko bilbotarrek inbidiaz begiratzen zieten beste hiri batzuei, mapan zehaztasunez kokatzeko gai ez baziren ere, haien rock jaialdien oihartzunak zirela eta. Gaur egun, berriz, Bilboko hiriburuak inbidia ona sortzen du dagoeneko erabat finkatu den Bilbao Bbk Live-ri esker, uztailaren 7tik 9ra bitartean seigarren edizioa beteko duen jaialdia.

Azkenik Amy Winehouse polemikoak ez du parte hartzerik izango eta horrek lekua kenduko dio couché paperean, baina jaialdiak ez du musika interesik galdu. 

Ostegunean inork ez luke Beady Eye huts egin behar, Oasis taldearen jarraipena hain zuzen; ezta Blondie ere, bere burua berrasmatzeko gai izan den new wave-aren erakusgarrria, ez eta Coldplay ere,  azken urteotan disko gehien saldu duen talde britainiarretako bat. Ostiralean lupaz begiratuko diogu haren herkide Suede-ren pop hunkigarriari, baina jarraian !!! taldearen rock dantzagarri intentsua nabarmenduko da, Kaiser Chiefs-ekin batera.

Azken jardunaldiak The Black Crowes izango du protagonista nagusi, hard rock-era hurbilduz  hegoaldeko musikaren sustrai sendoak soul bokazioarekin uztartu dituen talde estatubatuarra. Jai amaiera, berriz, Chemical Brothers-en ohiko rave-aren eskutik etorriko da.

Igor Cubillo