90eko hamarkadako punk-rock eskandinaviarraren oinordeko aparta, Sermond`s Elorrioko taldeak 'Amaiera hasieran dator' Lp-aren abestiak aurkezten jarraitzen du. Energia hutsa eta rock gordina eszenatokian.

“Ez dugu ezer berririk asmatu, ezta nahi ere”. Esaldi horren bidez definitzen Gorka Muñoz ‘Vicius’-ek bere taldeak azken hiru urteotako ibilbidean utzi diguna. Gutxi gora behera Koldok (baxua) eta Iñigok (gitarra) erreklutatu zutenetik, bere gitarrarekin eta Tximis (bateria) lagunarekin batera zortzi urtez hibernatzen zeramatzan taldea berpizteko.

Eta horrela sortu zuten Hellacopters eta Turbonegroren punk-rockarekiko miresmena ezkutatzen zuen taldea, xumetasuna banderatzat hartuta, energia guztia jarriz egiten duten guztian, eta entzun eta arnasten duten musikarekiko leialtasuna azalduz. Energia horren emaitza izan zen ‘Amaiera hasieran dator’ (Mauka, 2011), gitarren indarra oinarri hartuta grabatutako r&r gordinezko hamaika kanturen bilduma

 Orain atsedenaldia hartuko dute abesti berriak prestatzeko eta taldean izango diren aldaketei aurre egiteko (Gorkak taldea utziko du). Baina aurretik, beren jarraitzaile-legio txikia gonbidatu dute  ezusteko opari ugari izango duen ‘gero arte’ jai honetara.