Ezinbesteko musikaria euskarazko pop-rockaren historian, Xabier Montoia eszenatokietara itzuli da. 'Montoiaren Mundu Miresgarria' (Bidehuts, 2011) lan berria aurkeztuko du, Maite Arroitajauregi (Mursego) eta Ibon Rodriguez (Le Noise) musikariekin elkarlanean grabatu duen diskoa.
Xabier Montoia ez da musikari zalapartatsua. M-ak talde ahaztezina sortu zuenetik (Kaki Arkarazo, Fernan Leiza, Mikel Irazoki eta Anjel Valdesekin batera), nahiago izan du fokuen argitik urrun ibili. Gehiegi nabarmendu gabe beti, sortzaile eta musikari lanari indar guztiak jartzeko agian.
Hamar urteko isilunearen ondoren, berriz ere musika beste protagonistarik ez duen diskoa kaleratu du, ‘Montoiaren mundu miresgarria’. Musika beste protagonistarik ez dute batere mozorrorik behar ez duten lan honetako hamar abesti lasai eta barnerakoiek, Maite Arroitajauregiren (Mursego) txeloa eta Ibon Rodríguezen pianoa eta ahotsa baino.
Musika letra larriz idazteko aparteko muntaiarik edo parafernaliarik ez dela behar erakutsi du Xabier Montoia zintzotasuna ezaugarri nagusitzat izan duen ibilbidean. Orain bueltan da abesti berriak eszenatokian aurkezteko. Eta hori oso albiste ona da.
Segur aski asko interesatuko zaizu...