Ezuste ugariz, irudimenez eta samurtasunez gainezka dator 12 hilabete eta hiru urte bitarteko umetxoentzat pentsatutako antzezlan hau. Hitz gabeko bidaia ametsezko mundutik aterata dirudien eszenatokitik.

Genero honetan diharduten konpainiek mirari txikia lortzen dute: 6 hilabete eta 3 urte bitarteko umeak aho-zabalik gera daitezela eszenatokian gertatzen denari begira. Agian ez dira emanaldiaren argumentua laburbiltzeko gai izango emanaldia amaitutakoan, baina ziur izan entzun eta ikusi duten hori lagun izango dutela luzaroan.

La Sal Teatro ikusle berezi hauentzat lan egiteko atrebentzia izan duen konpainietako bat da eta lan horren emaitza dugu ‘Lalu’ aipatutako miraria obratzen duen irudi, mugimendu, soinu eta sentsazio bilduma. “Adin tarte horretan hezten dira haurrak, eta ahalik eta estimulu positibo gehien emanez hezi behar ditugu”, nabarmendu du Julia Ruizek, konpainiako zuzendari eta muntaia honetako antzezleak.

Oso gutxitan izango dugu eskutik hain eskura mirari baten lekuko izatea, txikia bada ere.