Galdera. Zergatik aukeratu duzue 80ko hamarkada emanaldihonetarako?

Erantzuna. Erronka hasieratik etorri zen. Gure kasuan, 80ko hamarkadako euskal taldeen moldaketak egitea proposatu ziguten eta abesti berri pilo bat prestatu behar izan dugu, asko erdaraz.  Besteak beste, Kortatu, MCD edo Yo soy Julio César bezalako taldeenak. Benetako bertsioak egin nahi ditugu, ez ‘fusilamenduak’.

G. Eta zer da benetako bertsio bat?

E. Nik esango nuke berrinterpretatze bat dela, kantu bat hartu eta ez errepikatu jatorrizko taldeak egiten zuena.  Adibidez, ‘working class heroe’ abestiarekin Marianne Faithfullek benetako bertsio bat egin zuen; David Bowiek ere benetako bertsio bat egin zuen ‘Let´s spend the night together’ kantuarekin. Kontrakoa ez dut aipatuko inori minik ez ematearren, baina gehienetan kopia hutsak entzuten dira, fotokopiak. Eskorbutoren abesti bat entzuteko,nahiago dut Eskorbutoren bertsioa entzun.

G. Zer gertatu zen Euskal Herrian 80 hamarkadan hainbeste musika talde sortzeko?

E. Guztia tokatu zitzaigunean gertatu zela uste dut. Madriletik zetorren rocka entzuten genuen, Burning, Leño eta horrelako taldeak. Batzuk entsatu genuen bazela garaia hemendik zeozer egiteko. Hor zegoen Muskaria aldizkaria, fanzinak, irratik libreak…Horrez gain, oso gazte kaletarrak gineneta gure haurtzaroa ere oso kaletarra zen. Denbora piloa ematen genuen kalean, ez genuen hainbeste ikasketarik, baina bageneukan antolatzeko ohitura: Bestegauza garrantzitsu bat zen gazte mordoa ginela, 70eko ‘baby-boom’-aren ondorioz.

G. Hamarkada horretan gertatu ziren gauzek eragina izan dute gaur egungo gizartean?

E. Musikari dagokionez, aztarna nabaritzen da. Musikari askok orduko taldeak aipatzen dituzte beren eraginen artean. CrystalFighters-eko kideek Eskorbuto eta Vulpes aipatu dituzte beren talde gogokoenartean. Madriletik, adibidez, oso harro hitz egiten dute euren ‘movida’ liluragarriari buruz eta gauza txarrak ezkutatu egiten dituzte; hemen, berriz, alderantziz gertatzen da, badirudi gauza txarrak besterik ez dituztela aipatzen. Denok dakigu hemen jende asko hil zela heroinaren eraginez, baina Madrilen ere beste horrenbeste gertatu zen eta ez dute egunero aipatzen. Nik uste dut sormena ere ikaragarria izan zela hamarkada horretan eta nik horialdarrikatu nahi dut. Joan Mexikora, Kubara…eta galdetu nor den Glutamato Ye-Ye. Banaka batzuek Alaska ezagutuko dute, baina galdetu ia Eskorbuto eta LaPolla Records ezagutzen duten eta ze mobidak izan zuen eraginik handiena.

G. Aspaldiko kontuez dihardugunez, zer datorkizu gogora atzera begiratzen duzunean?

E. Nahiago dut atzera ez begiratzea. Ez du ezertarako balio.Baina oro har, nire oroitzapenak oso positiboak dira.

G. Zarama ‘birziklatu’ egin da azken aldian. Musika jotzen jarraitzeko asmoa duzue?

E. Egia esan, oso gustura gaude elkarrekin. Orain ekitaldizekitaldi goaz, futbolariek esaten duten bezala. Denbora dugunean, abestiren batateratzen dugu eta gero gerokoak.