Galdera. Musika tradizional irlandarrak zale asko ditu gurean. Estilo honetara nola heldu zinen gogora ekarriko diguzu?

Erantzuna. Txikitatik abestu dudan estiloa da. Gure etxean beti zegoen norbait kantari, ez dut gogoan nire bizitzako une bat ere kanturik gabe. Estilo hau entzungo nukeen amaren jaioterrian, Clare Konderrian (Irlanda).

G. Gaur egungo mundua ia erabat globalizaturik dago, baina hala ere jende askok globalizatu gabeko estiloak ditu gustuko, tartean irlandar sustraiko musika. Zelan azalduko zenuke hori?

E. Irlandako musika eta tradizioak benetakoak dira eta jendeak benetako musika entzutea du gustuko. Musika emozionala, bihotzetik eta bihotzarentzat sortua.

G. Muntaia handirik gabe, ez elektronikarik ez sintetizadorerik...Ahotsa eta gitarra besterik ez. Abeslari asko ihes egiten diote formatu horri, biluzik sentitzen direlako eszenatokian. Zelan sentitzen zara azkenaldian zuren lanak aurkezteko erabili duzun formatu horretan?

E. Niretzat, abesteko modurik onena ‘biluzik’ abestea da, horrela abestian sar naitekeelako inolako distrakziorik gabe. Graham Dunneren akonpainamenduak ez dit arreta galarazten, egiten dudana edertu eta hobetu besterik ez du egiten. Baina bestalde urtetako eskarmentua du zenbait talderekin eta erabat zabalik nago bestelako akonpainamenduekin abesteko. 

G. Zure ahotsak sentimendu sakonak transmititzen ditu. Nondik sortzen dira?

E. Zenbaitetan esperientziatik datoz, baina baita irlandar psiketik ere.

G. Zer aurrera diezagukezu zure proiektu berriei buruz?

B. Banaka batzuk ditut. Horietako bat dagoeneko grabatzen hasi naizen diskoaren prestakuntza izango da. Denbora luzea joan zaigu aurrekoa grabatu genuenetik, batez ere diskogintzako klima aldatu egin delako eta une hauetan ez daukagulako diskoetxerik. Aldi berean, abesti berriak prestatzen nabil beste proiektu batzuetarako, tartean basea Parisen izango duen talde bat.

G. Eta zelakoa izango da bira hau?

E. Litekeena da gustukoen ditudan antzinako kantuetako batzuk kantatzea, baina baliteke oraindik grabatu ez ditudan beste zenbait abestea. Sorpresaren bat egon daiteke.