2013an berriz ere elkartu ziren. The Forefathers-ekoei iruditu zitzaien garaia zela Graham Dayren abestien katalogoa arakatu eta best of tankerako bilduma bat argitaratzeko: The Prisoners, The Prime Movers, The Solarflares eta Grahamen azken banda The Gaolers taldeek emandako onena.

Mushroom Caffeine Hondarribiko power-bikotea, Diegok (bateria eta ahotsa) eta Pedrok (gitarra eta ahotsa) osatua, hirukote bihurtu da Xavi (baxua) batu zaienez. Energia, abiada eta amorru nahasketa da beraien musika, 80etako garage rocka, punka, psikodelia eta 90etako rock alternatiboa aditu daitezkeena.