Boskote kanadarra fan-fenomeno zabal baten protagonista bihurtu da 1999an emanaldiak egiten hasi zenetik. Orain 'Get your heart on!' dakarkigu, pop sendotik baladaraino esparruan landutako disko berria. Soinu garbi-garbi baten laguntzaz, bosgarren lan honek (estudioan egindako hirugarrena) reggae-ukituak, Natasha Bedingfield britainiarrarekiko ('Jet lag') duetoa eta fanen tweetekin osatutako kantu berezi-berezia txertatu ditu, taldearen musikak jarraitzaileei azken urteotan “zer sentiarazi dien” galdetu ostean.

Erantzuna grabazio honetan bildu dute. Sebastien Lefebvre gitarrajolearen hitzetan, “aurpegia astitzen dizuten” kantuak sartzen ahalegindu dira nagusiki. Horiei esker, saldutako disko-kopuru osoa (7,5 milioi baino gehiago) nabarmen gehitzea espero dute, 'Wellcome to my life' eta 'When I’m gone' bezalako kantuen xarmaz lagunduta. Eta dantzan eta kantuan jarriko dituzte entzule guztiak, bereziki nerabeak.