Pantailaz inguratuta  bizi gara. Pantailak telebistan, ordenagailuan,  sakelako telefonoan, ipod-ean…Eta mundu berri hori islatuko zuen antzezlana  falta zen.

‘S@rebegian’-ek hutsune hori bete du, pantailen aurrean (eta atzean) gertatzen  dena gazteei  azaltzen dien ikuskizun berritzaile eta ausarta sortuz. Teknologia berriek elkarrekin komunikatzeko ekarri dizkiguten bide berriak dira lanaren protagonista, baita aldi berean sortu zaizkigun inkomunikazio-arazoak  eta  horien atzean ezkutatzen diren interes ilunak ere.

“13 eta 18 urteko gazteen interesekoa izango zen ikuskizuna sortu nahi genuen, aldi berean eztabaida eta gogoeta pizteko asmoarekin”, dio muntaiaren gidoigile eta Pikor Teatro konpainiako buruak, Miguel Olmedok.

Muntaiak antzerkia, dantza eta musika nahasten ditu, ziztu bizian eta umorea ardatz duela doan istorioa osatuz. Aukera aparta sarearen xarma eta arriskuetan murgiltzeko.