Telekomunikazioen garaiko maitasun istorio honetan, okerreko hartzaileari bidalitako mezu baten harira pixkanaka hasiz joango den harreman birtuala hasiko dute gizon batek eta emakume batek. Jatorrizko testua Daniel Glattauer idazlearena da; Tanttakak antzerkirako egokitu du euskaraz eta gaztelaniaz.

Nolakoa da maitasuna Interneten garaian? Galdera horri heldu zion Daniel Gattauer idazle austriarrak Ipar haizearen kontra’ "Gut gegen Nordwind" (‘Gut gegen Nordwind) eleberri arrakastatsuan. Orain Tanttaka konpainiak eszenatokira eraman du emakume ezezagun batek nahi gabe bidalitako posta mezu elektronikoa abiapuntu duen maitasun istorioa.

Gaur egungo maitasun istorio baten aurrean gaude? “Nik alderantziz esango nuke, oso istorio unibertsala baita”, dio Kike Diez de Rada eta Itziar Atienzarekin batera lanaren protagonista den Joseba Apaolaza aktoreak. 

Apaolazaren esanetan, “moderno bilakatzen da Internet bidez sortzen delako harremana, hau da, garai batean gutun bidez kontatzen zena gaur e-mailez kontatzen da; baina betiko gaiak hor daude, adibidez konpromisoa eta fideltasuna”. 

Jatorrizko testu bikaineko pertsonaiak hiru aktore apartek hezurmamitu dituzte, XXI. mendean gertatu baina erabat atenporala den istorio batean.