Estatubatuarrak, XX. mendeko musika herrikoiaren mitoa eta kantautore-belaunaldi batzuen erreferentzia, duela 44 urte grabatu zuen lehen diskoa, Paul McCartneyren babespean. Geroztik, 24 album gehiago kaleratu eta, bere errepertorio sentibera eta pausatuaz, bost Grammy sari irabazi ditu.
Massachusettseko kantaria dugu kantautore lanaren eredurik nagusienetakoa, 50 milioi disko baino gehiago saldu eta bost Grammy irabazi dituen XX. mendeko ikonoa. BBK Aretoaren mugapenei ihes eginik, Music Legends zikloko emanaldi hau Euskalduna Jauregian egingo da, askotxo baitira, Apple disketxearekin 1968an grabatutako lehen lanaz geroztik, Rock and Roll Hall of Fame eta Songwriters Hall of Fame-ko kide honek sortu duen errepertorio zabala zuzenean entzun nahi dutenak.
Bere lana lasaia da, kantu bihurtutako gozotasunaren eredu, eta bere kontzertuak lagunarteko topaketak balira bezala iragartzen dira. Bandaren aitzindari gisa, ziur gaude giro egokia sorrarazten jakingo duela, nolabaiteko folk ukituak txertatuz eta tarteka soulari eta Mendebaldeko Kostari dagozkion ahotsak barneratuz, tradizio musikalarekin lotuta dauden testura akustiko ugariko eta zarata-izpirik gabeko doinu hauek dastatu ahal izateko. Hilabetero ez dira egoten honelako aukerak
Segur aski asko interesatuko zaizu...
