Noizean behin, sustraiak tradizioaren sakonean dituen ikuskizun berritzaileren batez gozatzeko aukera izaten dugu. Hori da ‘Tango’-ren kasua, Astor Piazzola konpositore hilezkorraren zenbait partitura argitaragaberen berrinterpretazioa, Cobosmika dantza taldearen eta Quartet Gerió ganbera musika taldearen arteko lankidetzaren emaitza dena.
Hau guztia hasi zen Piazzola familiak partitura batzuk helarazi zizkionean Quartet Gerióri, horiek interpretatzeko baimena espreski emanez. Musikariek erronkaren tamaina areagotu zuten dantza garaikideko konpainia bati proiektuan parte hartzeko aukera emanez. "Astor Piazzolak jazzaren edota musika klasikoaren esparrura eraman zuen tangoa, beraz gu ere mugimendu horiek esparru tradizionaletik harantzago eramateko gai sentitzen ginen", dio konpainiaren zuzendari Peter Mikak.
Emaitza zuzeneko musikaren eta dantzaren arteko besarkada da, Piazzolaren unibertsoaren emozioa bildu eta haren doinuak dimentsio berri batera eramaten dituena.