Kursaalgo terrazak taberna–jatetxe terraza bihurtuko dira, eremu mugatua hartuko dute eta edukiera ere mugatua izango da. Mahaien arteko tartea bermatuko da, jendea mahaien inguruan eseriko da eta bertan zerbitzatuko zaizkio edariak eta jakiak.
Txikijazz
Bestalde, Txikijazz zikloak lekua izango du aurten ere. Uztailaren 23tik 26ra egingo da eta egungo egoerara egokitutako egitaraua izango du. Musika izango da protagonista nagusia, eta osasun neurriak direla-eta ez da haurrentzako jarduera osagarririk antolatuko.
Familian gozatzeko 4 kontzertu eskainiko ditu zikloak, guztiak agintariek emandako babes eta higiene araudiak betez. Maskara derrigorrezkoa izango da sei urtetik aurrera, eserlekuak aldez aurretik esleitu dira eta uneoro bete beharko dira antolakuntzaren jarraibideak.
Egitaraua
Tabakalerako Kutxa Kultur Terrazako kontzertuaka. Edukiera 74 pertsonakoa izango da eta hiru euro kobratuko dira pertsonako:
– The Binilo’s: uztailaren 23an, 20:30ean
– Los Juanes: uztailaren 24an, 20:30ean
Kursaalgo Terrazan. Doan eta sarrera mugatua izango da adingabeekin doazen familientzat (300 lagun guztira):
– The Binilo’s: uztailaren 25ean, 12:00etan
– Sara Mansilla eta Los Juanes: uztailaren 26an, 12:00etan