Blues garaikidearen eredu bihurtu den kantari eta gitarrajole estatubatuarrak lau Blues Music Award eskuratu eta bi DVD eta 23 disko kaleratu ditu. Azkena, Alligator Records-ekiko estreinaldi bikaina ('Hellfire'), energiaz betetako lana da, iaiotasuna eta eklektizismoa berresten dizkiona.
Getxo & Blues Joe Louis Walker estatubatuarraren proposamen bizi-biziaz abiatuko da. Bluesean murgildu zen 1986an, The Spiritual Corinthians taldearekin gospelean jardun ondoren. Horrenbestez, hiru hamarkada luze egin ditu jatorri beltzeko musikagintzan, eta erritmo moteldu beharrean, adinari dagokion lasaitasuna bilatu beharrean, kantari eta gitarrajoleak bere diskorik indartsuena kaleratu berri du: 'Hellfire'.
Horixe da Chicagoko Alligator Records disketxe ezagunarekin grabatu duen lehen lanaren izenburua, soberako elektrizitatea duen blues trinkoa, The Rolling Stonesek sinatzeko moduko rocka, rhythm & bluesa, rock and rollari dagozkion taxukerak, gospelari egindako keinuak eta funk apur bat ere uztartuz. Walker maneiaezina da, 22 disko eta bi DVD kaleratu, lau Blues Music Awards irabazi eta BB King eta James Cotton gisako artistekin lan egin izanak ematen duen segurtasun eta harrotasunaz. Jai amaiera bikaina izango da.
Segur aski asko interesatuko zaizu...
