Nneka abeslari eta konpositorea Nigerian jaio eta hazi zen, baina Alemanian bizi da. Kontraste horrek eragina izan du haren 'afrosoul'-aren indarrean eta sakontasunean; trip hop-a dub-a, soul-a, reggae-a, pop-a eta Afrikako sustraiak barne hartzen ditu etiketa horrek. 'Soul is heavy' Nnekaren hirugarren albuma da.

Ms. Dynamite eta Black Thought (The Roots) bezalako lagunen lankidetzaz grabatutako 'Soul is heavy' diskoak Nneka soul berriaren gotorlekutzat berretsi dute. Arima eta grina formula irekian pertzibitzen dira, Afrikako tradizio musikala, Europako modernotasuna (Hamburg da bere adopziozko hiria) eta maitasuna, mina, politika eta Jainkoa bezalako gaiei buruzko testuak uztartzen dituen groove ugarirekin. Bizitza orohar eta bere bizitzako esperientzia partikularrak etengabeko inspirazio-iturri dira, konposizioa terapiatzat jo eta funtzio terapeutiko hori sorkuntzaren motoretzat jotzen duen kantautore honentzat.

'Tratamendu' horren emaitza gisa, kontzientziazio, konpromiso eta osagai politiko handiko musika sortzen du. Europako aurkezpen-bira honek eskala bana egingo du Madrilen, Bilbon eta Bartzelonan. Aukera paregabea, influentziatzat jotzen dituen Fela Kuti, Mos Def, Bob Marley eta Lauryn Hill-ekin antzekotasunik duen ala ez egiaztatzeko.