Leo Lyons baxu-jotzaileak, Ric Lee jotzaileak, Chick Churchill teklatu-jotzaileak eta Joe Gooch gitarristak osatzen dute bere garaian Alvin Lee buru izan zuen bules rock talde klasikoa. 'Evolution' (2008) du diskorik berriena orain dela 47 urte Ingalaterran sortutako taldeak.
Tokian tokiko eszenak dinamizatuko dituen talde-multzo zabal eta aktiboa izatea ezinbestekoa bada ere, rockaren historia legendek idatzi dute. Eta Ten Years After izena hizki handiz idatzita dago memoria horretan, bereziki Alvin Lee gitarrista trebe, abeslari eta 'I'm going' bezalako inkunableen egilea taldeko buru izan zen urteei esker.
Lee martxoan hil zen, baina badira urteak taldea utzi zuela. Ric Lee (bateria), Chick Churchill (teklatuak) eta Joe Gooch (gitarra) saiatu dira bandaren ondarea iraunarazten, haren legenda zikindu gabe. 60ko eta 70eko errepertorioan ondutako errepertorioa du abal moduan blues rockarekin estuki lotutako ibilbide luzeak, rhythm & bluesean, itxura klasikodun rockean eta baita hard rocketik hurbil dauden riffetan egindako sartu-irtenak ahaztu gabe. Zuzenean gozatzeko garaia da.
Segur aski asko interesatuko zaizu...