2014-05-19

Testamentua egin aurretik ezagutu beharreko talderik baldin bada zalantzarik gabe talde hori The Woggles da. Dauden garage banda zaharren artean, aktiboan jarraitzen duen Athens-eko laukotea da oholtza gaineko apustu ziurra. 25 urte baina gehiago klasea, dedikazioa eta dibertsioaren sinonimo diren izena lantzen. Urte asko 60. hamarkadako sustraieko rock and rolla aletzen baina lizun usairik gabe, urte asko beraien edozein kontzertutara joan garenon tentsio maila igotzen eta gure zapatak puskatzen. Herrialde honetara etorri ziren lehen aldian beren zuzenekoek txunditu baninduten ere, orduan argitaratuak zituzten diska gutxiekin gertatu zitzaidan moduan, gaur egun kontutan izateko moduko diskografia duten honetan, berdina gertatzen zait. Lehen diska haiek argitaratu zituzten zigilu independenteak Athens-eko laukotearen azken lanak argitaratu dituen Wicked Cool izenarengandik ordezkatuak izan dira, eta beraien zuzenekoak genero honetan ikusi dudan onenetarikoak dira. Talde hau oso ondo koipeztatua dagoen makina da, soinu sendoa du eta erraz defendatzen ditu maite dituen doinuak, instrumental zoroenetik hasi eta kantu dantzagarri atseginetara, Manfred Irakasleak oso ondo gidatzen dituen kantuak eta aurreneko kantutik publikoa bereganatuko duena. Woggles taldea zalantzarik gabe festa bat dira, eta festa hastear da!! (Oscarkotj-2014)