2014-09-16

THE BELLRAYS tonua mantentzeko beharrezko tresna da: Lisa Kekaula, Bob Venuum eta abarrek denda batetara sartu eta aurkitu nahiko zenukeen diska egin dute, eta kontzertu batean entzun nahiko zenukeena. Let It Blast (98) edo beraien aurreko lana den Hard Sweet And Sticky bezalako lanekin ezagutu zutenen bihotzean kokaturik, oraingoan gure instinto baxuenengana jo dute, urdaila eta hankartea golpatuz: nahastezin bihurtzen dituen soula galdu gabe, hamar bat sekulako ereserki erditu dituzte. Lp-ari izena ematen dion kantuaren hurbiltasunetik, edo “Hell On Earth” edo “Everybody Get Up” kantuen Motor City soinuen gerturatze arriskutsuraino pieza guztiak perfektuki lotzen dira. Hipertentsioa ekidite arren “Anymore” edo “Sun Comes Down” klasikoa bezalakoak laztantzen dituzte, baina inork ez dezala lo hartu: Lisa ez dago txantxetarako eta horrela erakutsiko du ekainaren 14an, 7. Andoaingo Rock Jaialdian.