Bertan, zoriak bultzakada ederra eman zion Frank Blackfeld-i. Donostian jotzen ari zela, Fernando Neira baxu-joleak Altxerrin entzun zuelarik, berarekin jotzea gustatuko litzaiokeela aipatu zion. Berehala batu ziren Jon Aira gitarra-jotzailea eta Gus Gonzalez bateria-jotzailea. Haien arteko sinergia itzela izan zen eta kontzertuak biderkatu egin ziren. Pixkanaka, Frankek bere kantuak sartu zituen errepertorioan eta elkarrekin landu zituzten kantu berriak ere idatzi zituen.

2014. urtearen amaieran oso osorik Oiartzungo MECCA estudioan zuzenean grabatu zuten Nothing Ever Lasts diskoa kaleratu zuen. Franken beraren konposizioak dira, Folk- Country-Blues estilokoak, ez geratzearen eta unea bizitzearen garrantziaren ingurukoak. 2015. urtearen bukaeran, Frankek talde berria osatu zuen Maria Soriazu baxu-jotzaile eta Nagore Etxabe bateria-jotzailearekin. Taldea MECCA estudiora bueltatu da bilduma berria kaleratzeko: We gotta move on, 2017ko otsailean kaleratua.