 |
|
 |
| Testua: Ana Elías |
BAKETZAILEA
Harmonikoak dira eta irribarreak oso lagungarriak dira edozein egoera harmonizatzeko.
Neutro-tonuko, lihozko eta puntuzko prakak, kamisetak eta osogarriak egokiak dira. Kaki koloreko sahariarrak looka harmonizatzen dau.
PERFEKZIONISTA
Egokia egitera ohituta dagoz. Segurtasuna eta seriotasuna transmititzen dabe. Osogarriekin primeran konbinaturiko bi koloreko (zurizko eta baltzazko) looka ezinhobea da honeentzako. Mozketa zuzena daukan levita beltzak seriotasuna emongo deutsa lookari, bai koloreagaitik zein formagaitik be.
ENPATIKOA
Adiskidetsuak dira. Hurbiltasuna eta lasaitasuna transmititzen dabe.
Looka eratzeko kolore-sorta bardineko tonu neutroko praka, alkandora eta osogarriak aukeratu dodaz, hurbiltasuna eta konfiantza emonez.
IRABAZLEA
Gehienetan nabarmentzen dira. Segurtasuna transmititzen dabe.
Emakumea nazanez, femeninoa dan looka aukeratu dot, gona-lapitz baltzaz eta parpailadun blusaz osoturik. Zapatak eta lopokoak koloredunak diranez, nabarmenduko zara.
PERTSONALISTA
Norbera, hura bera, izaten da. Pertsona sortzaileak dira eta segurtasuna eta dinamismoa transmititzen dabe. Aukeratu dodan looka hurrengokoa da, granate-koloreko prakak, praken tonu bereko loredun alkandora eta camel-koloreko jaka eta osogarriak, izan be, errez konbinatzen dabelako baita lookari segurtasuna emoteko be.
IKUSLEA
Ez dabe euren ikuspuntua aldatzen. Zuhurtasuna eta neurritasuna transmititzen dabe.
Gutaz inor ez ohartzeko, puntuzko, neutro tonuko prakak eta kamisetak egokienak dira.
LEIALA
Konpromesuz beterik dagoz. Konfiantza, sinesgarritasuna eta lasaitasuna transmititzen dabe.
Aukeratu dodan prakadun trajearen kolore beroak, urritasuna eta lasaitasuna emoten deutsa lookari, trajeak, berak, hurbiltasuna eta epeltasuna transmitzen dau.
GOGOTSUA
Motibatuta sentitzen dira. Pertsona optimistak eta dinamikoak dira.
Kolore deigarriak daukiezan jantziek eta diagonalak diran lerroek aipatutako ezaugarriak bultzatzen lagunduko dabe. Horretarako, koral tonuko prakak eta alkandora urdina aukeratu dodaz, baita camel-koloreko trencha eta aipatutako koloreetako lepoko bat be, holan look dinamikoa eta alaitsua lortuz.
LIDERRA
Zuzentzen dabenak dira. Segurtasuna, dinamismoa eta neurritasuna dira honeek transmititzen dabezan ezaugarriak.
Aitatukoagaitik, tonu soila daukan, itsas urdina dan, prakadun trajea aukeratu dot, alkandora zuriagaz konbinaturik. Azkenak, argitasuna emoten deutsa lookari. Trajearen kolore bereko osogarriek segurtasuna emoten deutsie.
Espero dot esandako guztia erabilgarria izan daitela nortasun desbardinak identifikatzerakoan.
