Kapak, barriro be, berokien diseinuen artean topatuko doguz, aldiz, denboraldi honetan, litsen bitartez, bizitasuna eta dinamismo handiagoa porturatuko dabe.

 Udaberri-uda denboraldi honetan, diseinatzaile ezagunek zein low-cost markek, pitiloetaz ahaztu gaitezan saiatu dira. Horren ordez, hanka zabaleko praken munduan sartu gaitezan gura dabe. Horreen artean, praka zuzenak, kanpaira formakoak eta hanka erdikoak topatu geinkez.

 Boho estiloa be aurtengo udazken-neguko joera izango da, Burberryk esate baterako, estilo horretan inspiratu dau bere kolekzioa.

 Lore estanpatua udako klixea dan arren, neguko kolekzioetan ageri-agerian da.

 Belusa, ehunen artean nabariena da, batez be, diseinatzaile britaniarrentzat, izan be, horreen neguko kolekzioetan, jaketan, berokietan, soinekoetan... ikusi daikegu. 

 Diseinu desbardinetan frogatu daikegunez, udazken-negu honetan hurrengoko koloreak topatu geinkez. Alde batetik, marsala kolorea, bestetik, grisa tonu urdinetan zein orlegietan be, horia tonu leunetan, oliba-berdea, berde urdinxka, laranja, larrosa, morea eta urdin ilun bizia.

 Bukatzeko, falta dan gauza bakarra, bakotxantzako udazken-neguko look ezin hobea topatzea da.

www.anaelias.com/blog/blog/Noticias/noticia/n/116