Yllana konpainia madrildarra 1991tik ari da ikusleen barre-algarak eragiten keinu-bidezko antzerkia erabiliz. Geroztik 'Muu!', 'Brokers' eta '666' bezalako harribitxiak sortu ditu, generoaren adierazle onenetakoak. 'Far West'-en mendebaldeko urrunerako bidaia dibertigarria proposatzen du.

Gaizto oso gaiztoak, indiarrak, estutasunetan dagoen dama bat erdipurdiko heroi bat. Yllana konpainiak pantaila handiko western klasikoen osagai guztiak bildu ditu istorio zoro batean. Ikuskizuna generoari eskainitako omenaldia da, baina antzokietan ikus daitekeen umorerik onenaz gozatzeko aukera ematen du aldi berean .

 

'Far West'-en, '666', 'Brokers' eta '¡Muu!' arrakastatsuen egileak lehen aldiz hurbildu dira western-aren generora, berezko antzerti-kodeak erabiliz. "Zinema antzerkira ekarri nahi genuen. Ez da generoaren parodia, baizik eta kode zinematografikoak dituen umorezko istorio bat", azaldu du Cesar Marotok, Yllana-ko aktoreetako batek. Hortaz, ikuskizuna egokia da bai indiar eta bakeroen pelikulen zale beteranoentzat eta bai barre egiteko istorio on baten bila dabiltzanentzat.