Errauskine, neska gazte eder eta onbera, bere amaorde krudelak eta bi ahizpek jauregiko lanik gogorrenez arduratzera behartzen zuten, neskameetan azkena balitz bezala. Erregeren semeak dantza handi bat egin zuen. Errauskinek bere ahizpaorde berekoiei lagundu zien festarako janzten eta orrazten. Alde egin zutenean, neskato gajoa negarrez hasi zen mingostasunez, dantzaldira joatea ere gustatuko baitzitzaion. Baina hara non bere amabitxiak karroza bat egin zion kalabaza batekin, sei sagutxo beste hainbeste zaldi bihurtu zituen, arratoi bat kotxezain lodi, eta sei musker lekaio dotore. Ondoren Errauskine ikutu zuen bere makila magikoarekin eta bere zarpailak soineko distiratsu bihurtu ziren, eta bere espartinak kristalezko zapatatxo zoragarri. Baina maitagarriak ohartarazi zion Errauskini gauerdian dena lehengora itzuliko zela. Festara iritsi zenean, haren edertasun distiratsuak harridura eta miresmena sortu zituen. Printzea ez zitzaion une batez ere aldendu. Hamabiak baino lehentxeago, Errauskine erretiratu egin zen. Biharamunean, Printzeen jaiek jarraitzen zuten, eta dena bezperan bezala errepikatu zen. Baina Errauskine gaixoak, bere Printzearekin hain pozik zegoenak, ahaztu egin zen hamabietan sorginkeria bukatzen zela. Gauerdiko lehen kanpai-hotsa entzun zuenean, korrika hasi zen eta kristalezko zapata bat galdu zuen.

AEB

Zuzendaria: Clyde Geronimi, Hamilton Luske, Wilfred Jackson

Informazio gehiago Filmaffinity webgunbean: La Cenicienta