Lehiaketaren oinarrien arabera, abenduaren 10ean arratsaldeko 5etan antolatzaileek oinarriak Elorrioko Arriola Antzokian emango dituzte. Une horretatik aurrera, parte-hartzaileek 24 ordu izango dituzte lanak leku berean aurkezteko.
Lanak formatu digitalean aurkeztuko dira, .avi (konprimitu gabe) edo .mov (H264 edo MP4), 16:9 edo 4:3 formatuan, zerrenda beltzekin. Emisio-formatua 16:9 PAL izango da (norbaitek 4:3tan zerrenda beltzik gabe proposatzen badu, murriztu egingo da 16:9ra egokitzeko).
Lanak abenduaren 11.ean 20:00etan proiektatuko dira. Emanaldiaren amaieran sariak banatuko dira, 700 euro irabazlearentzat eta 500 euro bi finalistentzat.