Gasteizko Jose Uruñuela Udal Dantza Kontserbatorioak 2025-2026 ikasturterako matrikulazio epea zabalduko du maiatzetik ekainera bitartean.

2025eko maiatzaren 19tik ekainaren 2ra, biak barne, irekita egongo da sarrera probetan izena emateko epea, eta beharrezkoak izango dira Oinarrizko Ikasketak edo Ikasketa Profesionalak bete nahi dituztenentzat. Proba horiek ez dira beharrezkoak izango Kontaktua eta Aurredantza zikloetan izena eman nahi duten haurrentzat. Hauentzat izena emateko epea maiatzaren 19tik 28ra zabalduko da.

Kontserbatorioak Irakaskuntza Ez Arautua ere eskaintzen du bost eta zazpi urte bitarteko haurrentzat, Dantzarekin Kontaktua (bost eta sei urte) eta Aurredantza (zazpi urte) espezialitateekin. Horrez gain, maiatzaren 12tik 16rako astean, Ate Irekien Jardunaldiak eskainiko ditu ematen dituen gaietan interesa duten eta zentroa ezagutu nahi duten guztientzat. Izen-ematea telefonoz egin behar da, 945 16 26 06 zenbakiaren bitartez.

Izena emateko prozesua amaitu ondoren, sarbide-probak egingo dira. Proba horiek ekainaren 16tik 19ra egingo dira Oinarrizko Ikasketetarako, eta 16tik 18ra Ikasketa Profesionaletarako.

MATRIKULAZIOA:

José Uruñuela Udal Dantza Kontserbatorioa

2025-2026rako matrikulazioa José Uruñuela Udal Dantza Kontserbatorioan