Hamarkada batean zehar, Kutxa Fundazioa kultura garaikidearen erreferente bihurtu da, sorkuntza, komunitatea eta pentsamendu kritikoa uztartzen dituen programazioari esker. 2026an, urteurren borobil horrek jauzi kualitatiboa dakar: eduki trinkoagoak dituzten zikloak, mahai-inguru gehiago eta belaunaldien arteko zein gizarte-integraziorako lankidetza bereziak.

Lehen seihilekoan zortzi ziklok egituratzen dute proposamena. Natura Elektronikoa zikloak natura eta teknologia elkarrizketan jartzen ditu, elektronika esperimentala eta ikus-entzunezko sorkuntza ardatz hartuta. Bizi ala Iraun zikloak, berriz, folkaren sustraietatik abiatuta, tradizioa etengabeko eraldaketan dagoen lurralde gisa aldarrikatzen du, mahai-inguruak eta askotariko ahots artistikoak uztartuz.

Tokiko eszena eta etorkizuneko sortzaileak ere funtsezkoak dira: Jazzaren Talentu Berriak zikloak gazteak eta jazzaren berrikuntza lehen planoan jartzen ditu; Bakarrizketak ekimenak euskarazko umorea ospatzen du; eta Jazzaldirako Bertako Taldeak zikloak Gipuzkoako talentu emergentea bultzatzen du.

Publiko guztiak

Programazioak, gainera, publiko guztiak kontuan hartzen ditu: Zir Zir Hara! familientzako arte eszenikoak, LABO GO sortze-prozesuak agerian uzten dituen espazioa, eta Katapulta Tour Gipuzkoa, artista emergenteentzako benetako lanabes gisa. Gipuzkoa Kutxa Solidarioarekin lankidetzan, ekitaldi guztietan doako hamar plaza eskainiko dira dibertsitate funtzionala duten pertsonentzat, kulturaren irisgarritasuna berretsiz.

Hamargarren urteurrenean, Kutxa Fundazioak argi uzten du ospakizuna ez dela atzera begirakoa soilik: etorkizunerako konpromiso aktiboa da.

Agenda · 2026ko lehen seihilekoa

Kokapena: Kutxa Fundazioa Kluba (Donostia), besterik adierazi ezean

NATURA ELEKTRONIKOA

(elektronika esperimentala / ikus-entzunezkoa)

Urtarrilak 17 · 19:00 – Boris Divider (ikus-entzunezko elektronika generatiboa)

Urtarrilak 24 · 19:00 – Promising Youngster (IDM / ambient / electro) + Citrus (sintesi modularra)

Urtarrilak 31 · 19:00 – Arcanoid (techno) + Telva (elektronika esperimentala)

Otsailak 7 · 19:00 – M4 (elektronika meditativa) + Actriq (electro / techno industriala)

Otsailak 14 · 19:00 – Niño de Elche + Emil Saiz (flamenko esperimentala / elektronika)

Otsailak 28 · 19:00 – Diego V (ambient / dream trance) + Reichmelt (elektronika esperimentala)

BAKARRIZKETAK

(stand up euskaraz)

Datak eta ordutegiak: saioz saio

Esti Curiel, Amaia Ruiz de Galarreta, Elisabet Mejuto, Danel Galdaera, Manex Astigarraga, Jone Bengoa, Julen Portillo, Mikel Irazusta (umorea)

JAZZAREN TALENTU BERRIAK

(jazz garaikidea – sarrera librea)

Urtarrilak 16 · 19:00 – Adam and the Penzos (jazz garaikidea)

Urtarrilak 23 · 19:00 – White Carters (funk / soul / R&B)

Otsailak 6 · 19:00 – Almere (jazz modernoa)

Otsailak 27 · 19:00 – Pat & Net Trío (jazz klasikoa / inprobisazioa)

BERTAKO TALDEAK JAZZALDIAN

(jazz · tokiko eszena)

Otsaila–martxoa · ordutegiak zehazteke

Bertako talde hautatuak

BIZI ALA IRAUN

(folk garaikidea / sustraiak)

Martxoak 5 · 18:30 – “Sustraiak eta ertzak” mahai-ingurua – Galder Pérez (hausnarketa)

Martxoak 6 · 19:00 – Audience (rock / folk esperimentala)

Martxoak 13 · 19:00 – Castazabal (folk mestizoa) + La María (folk valentziarra)

Martxoak 14 · 19:00 – Ortiga (folk festiboa / electrolatina)

Martxoak 20 · 19:00 – Gregotechno (kantu gregorianoa + elektronika)

Martxoak 21 · 19:00 – Antía Muíño (jazz-pop / egile-kantua)

Apirilak 17 · 19:00 – De Ninghures (folk galiziar garaikidea)

Apirilak 18 · 19:00 – Javi Medina (flamenko garaikidea)

Apirilak 24 · 19:00 – Ibon RG & Enrike Hurtado (esperimentala / txalaparta + elektronika)

Apirilak 25 · 19:00 – Rocío Márquez (flamenko garaikidea)

Maiatzak 8 · 19:00 – Mursego (performance sonoroa / esperimentala)

Maiatzak 15 · 19:00 – El Pony Pisador (folk globala)

ZIR ZIR HARA!

(haurrentzako arte eszenikoak)

Datak eta ordutegiak zehazteke · Konpainia ezberdinak

LABO GO

(sormen-prozesuak)

Apirila–ekaina · Prozesuan dauden artistak

KATAPULTA TOUR GIPUZKOA

(musika eta arte eszeniko emergenteak)

2026 · datak zehazteke

Artista hautatuak