Zer gerta daiteke 30.000 biztanle dituen udalerri batek 50.000tik gora ikusle bil ditzan musikaren, antzerkiaren eta dantzaren inguruan? Litekeena da arrazoia Leioako Umore Azoka izatea, urtero dozenaka konpainia eta makina bat estreinaldi hartzen dituen kaleko artearen elkargune handia. Aurtengo 15. edizioan, hainbat herrialdetako 43 konpainiak lan berriak aurkeztuko dituzte, horien artean erabateko 18 estreinaldi.

1995ean sortu zenetik, kaleko emanaldietan espezializatutako artistek berezkoa duten sormen ikaragarria ezagutzera ematea lortu du Umore Azokak; arte eszenikoen adar horri prestigioa ematea izan da, hain zuzen ere, haren bultzatzaileen helburu nagusietako bat. Horrez gain, jaialdira hurbiltzen diren programatzaile eta profesionalei bere lanak erakusteko aukera dute sortzaileek.

Umore Azoka benetako ideia-laborategia da proposamen berriak ezagutzera eman nahian lanean ari diren artista gazte askorentzat; Kaleko Arteak Leioa izango du epizentrotzat beste behin.