Merik ama izan berri du. Bederatzi hilabetez haur bat eraman du barruan, eta haren babesle eta zaintzailea izan da. Era berean, kezka eta zalantza askoren iturri bihurtu da: mutila edo neska izango da? Nola heziko dut? Handitzen denean zer izango da? Zoriontsua izango da? Orain, beldur horiei erantzuna emateko unea iritsi da, eta aurrera egin behar da bai ala bai. Baina arduren eta nekeen zama haren gain eroriko da, eta beste galdera batzuk bururatuko zaizkio: Nola ikasi dut zaintzen? Nork irakatsi dit? Haurraz arduratzeko gai izango naiz bakarrik? Nork eramaten du zaintzaren zama gizartean? Mari lagunarekin (genero binariotik kanpoko pertsonaia), bere ikuspegi irekiari esker, zalantza horiei guztiei erantzuten saiatuko da, melodia atsegin eta istorio animatuen laguntzaz amaituko duten bidean.