Tarzán, el musical lanak esperientzia bisual zirraragarria eskaintzen du, eta Afrikako oihanaren giroa dakarren eszenografia ikusgarria du, xehetasunez beteriko jantziak eta karakterizazioak, eta eszenatokia energiaz eta emozioz betetzen duten akrobata, dantzari, abeslari eta antzezle taldea.

Theatre Propertiesek babestua (formatu handiko musikalen Espainiako ekoiztetxerik zaharrena da), ikuskizun honek amets egiteko eta hunkitzeko gonbita egiten dio familiari, bai eta abentura ahaztezin bat bizitzeko ere, non magia, ausardia eta familiaren boterea diren protagonista.

Viktoriar Aroko Londresen, Porter familia Tarzanen kondaira entzuteko elkartu da, gorilek oihan magiko eta misteriotsu batean hazitako haurrarena. Isabellak, haurtzarotik Jane zaindu duen inude eta xaman jakintsuak, magiaz eta sekretuz beteriko istorio hau kontatzen du. William Claytonek bere patua markatu zuen uhartera itzultzeko aukera iragarri ondoren, Jane, Archi eta Charlie gaztea erronkaz eta aurkikuntzaz beteriko abentura batean murgilduko dira.