MENINA gutako baten, askoren, guztion historia da. Txikitan ikaskideak gizen deitzen hasi zitzaizkion... Badakizu, umetako kontuak, ezta? Institutura iristean bere lekua aurkitu zuen, taldeko “balea”. El Prado museora egindako txango batean beste superlatibo eta kalifikatzaile batzuk jarri zizkioten. Horietatik guztietatik, berak “Menina” aukeratu zuen. Bai horixe! –esan zuen bere artean–, Velázquezen artelan “PUTA” bat naiz. Beraz, jaten eta gizentzen hasita, urteak igaro ahala proposamen bat egin zion bere buruari : beheak eta goiak irenstea eta eszenatoki baten gainean bere egoa gizentzea. Ikuskizunaren mezu nagusia da geure burua maite eta dugun gorputza onartu eta maitatu behar dugula.