Inoiz kontatutako euskararen historiarik zoroena eta ganberroena. Horixe proposatzen dute Mikel Martinez eta Patxo Telleria (Ez dok hiru-Bikoteatroa) aktoreek 'Lingua Nabajorum' antzezlanean, 'Euskara sencilloaren manifestoa' eta 'Euskarazetamol' bezalako muntaiekin barre-algaraz betetako arratsalde ugari oparitu digun tandem eszenikoa. Zalantzarik gabbe, euskarazko umoreak idatzitako orrialderik onenetarikoak.

Betiko estiloari eutsiz, bi antzezleek hizkuntzaren baliabide guztiak aprobetxatu eta umorearen zerbitzura jarri dituzte (ez da gauza bera umorea hizkuntza batean egitea edo hizkuntza horretaz egitea umorea). Hortik aurrera, erromatarren garaian hasi eta gaur egun arte heltzen den kontakizuna sortu dute, tarteka Monty Pythonen komediarik onenak gogora dakartzan lengoaia erabiliz.

Historia beti aspergarria dela uste baduzu, ez izan zalantzarik. Etorri 'Lingua Nabajorum' ikustera.