Shakespeareren klasikoaren eguneratze honetan, Richard Sahagún zuzendariak anbizioaren, boterearen, ustelkeriaren eta biolentziaren munduan murgilduko gaituen ikuskizun bat sortu du. Eta, horretan, maitasunaren eta justiziaren indarrak soilik salbatuko ditu pertsonaiak. Denboraldiko antzezle-talderik onenetako batek jokatzen ditu pertsonaiak; hain zuzen, Gonzalo Cunill, Europako aktorerik garrantzitsuenetako bat, Lear erregea da. Fernando Bayona artista plastikoarekin lankidetzan, antzezlana esperientzia estetiko bat da, irudi zirraragarri, ilun, apurtzaile eta onirikoz betea. Irudiok goitik behera berrasmatu dute autore ingelesaren unibertsoa. Lear errege honek grinen, sexuaren, kaosaren eta mendekuaren mende dagoen oxidozko eta burdinazko unibertso batean sartuko gaitu. Richard Sahagúnen interpretazioa berezia da. Haren mundu poetiko eta estetikoak klasiko ingelesa eguneratu eta XXI. mendera ekarri du.