Tennessee Williamsek idatzitako lana Mississippiko plantazio batean girotua dago. Big Daddy patriarkaren urtebetetzea ospatzeko biltzen den Politt familiaren gaineko istorioa da. Lurjabeak gaixotasun larri bat duela jakin ondoren, azalera ateratzen diren sekretuek, lehiek eta familia-gatazkek ospakizuna ilundu egingo dute. Semeetako batek, Gooperrek, plantazioko hurrengo jabea izan nahi du. Beste semea, Brick, axolagabea da, eta atsekabeak alkoholetan itotzen ditu. Maggie, emaztea, ez dago prest bere suntsipena ikusteko ezer egin gabe.