David Serrano gidoilari bikainak egokitu eta zuzendu du komedia gozagarri hau. Bi pertsonaia ditu ardatz: Melissa Gardner eta Andrew Makepeace Ladd III. Bata bestearen ondoan eserita, ahots gora irakurriko dituzte ia 50 urtetan idatzitako ohar, gutun eta postalak; horien bitartez, bizitzan izandako itxaropen, handinahi, amets, etsipen, garaipen eta porrotak kontatuko dizkiete elkarri.
Cartas de amor antzerkiaren benetako klasiko moderno bat da; New Yorken estreinatu zen 1989an, eta Kathleen Turnerrek eta John Rubinsteinek antzeztu zuten. Ordutik, agertokiko izar ahaztezin ugarik interpretatu dute, hala nola, Charlton Heston, Jean Simmons, Sigourney Weaver, Jeff Daniels, Elizabeth Taylor, James Earl Jones, Samantha Bee, Jason Jones, Ali MacGraw, Ryan O’Neal, Alain Delon eta Gerard Depardieu artistek, besteak beste.
Testua: Euskalduna Jauregia