Zirika Zirkus konpainia 2003ko irailean sortu zuten Luis Lainez Taboadak (Boli) eta Ainhoa Juaniz Ezpeletak. Orduan, biak Zirku Eskolan prestatzen ari ziren, eta Fábrica de Sueños zirku-konpainiako kide ziren, Madrilen. Gero, Iruñera joan ziren, non konpainia sendotu egin baitzuten.
Ordutik aurrera, Zirika Zirkusek dozena bat ikuskizun estreinatu ditu, zirkuko beste artista batzuekin elkarlanean: Maribel Martinez, Txetxu Collado, Oier Bravo eta Sergio de Andrés. Adituak dira familia osoarentzako antzerki-zirku ikuskizunak sortzen, hainbat teknika uztartuz: orekak, akrobaziak, akroporteak, pailazoak, musikaz lagundutako malabarismoak, eta dantzak; umorez betetako lanak dira, maitasun handiz eginak.
Segur aski asko interesatuko zaizu...
