“Que no acabe este blues” poesiaren eta musikaren arteko elkarrizketa zoragarri eta bizia da; bi arima biki dira, gaua datorren bakoitzean elkar ezagutzen eta agurtzen dutenak. Eta jazzaren eta bluesaren espiritua, etika eta kontzientzia (edo agian madarikazioa). Musika beltz hori, sekretua eta sutsua, Carlos Aganzo poetaren bizitza intimoaren parte da. Liburu honetan, hitz horiek bizitzen, sentitzen eta berrinterpretatzen ditu, jazzlari batek bezala. Hitzotan, arima hausten da, eta erritmo berri batean berreraiki, melodia erritmiko batean, gizakiaren bibrazio guzti-guztiek lekua duten oihu ito batean.
Carlos Aganzo eta Blanca Sararekin, eta Naiel Ibarrolaren musika eta ilustrazioekin.
Poeta, idazlea eta kazetaria (El Norte de Castillako zuzendaria izan da, besteak beste), Carlos Aganzo hogei bat poema-libururen egilea da. Bere oinarrizko poesia bi liburukitan biltzen da: "Ícaro en los ojos" eta "Arde el tiempo". Besteak beste, Jorge Guillén ("Manantiales", 2002), Jaime Gil de Biedma ("Las voces encendidas", 2010) eta Ciudad de Salamanca de Poesía ("En la región de Nod", 2014) raiak jaso ditu.
Blanca Sara poeta bilbotarrak hainbat egunkari eta literatur argitalpenetan kolaboratu du. Bere lan poetikoak "Ballestas contra el miedo", "¿Quién ha visto un ambleo?", "Rótulo para unos pasos", "La mirada del maniquí" edo "Música de aldaba" bezalako izenburuak ditu. Hainbat sari jaso ditu, hala nola Ernestina de Champourcin, Avilako San Juan de la Cruz, Raimundo Ramirez de Anton de Terrassa, Valladolideko Sarmiento eta Francisco Javier Martín Abril.
GONBIDAPENAK ERRESERBATZEA: www.bilbaokultura.eus
Segur aski asko interesatuko zaizu...
