Jardunaldi hauetan, ziber-indarkeriari buruz hausnartuko da: "TRICek (Informazio eta Komunikazio Harremanetarako Teknologiak) gizartea eraldatu dute. Hauek, eguneroko gure dinamikak, nortasunak eta harremanak gainditzen dituzte. Aro sozial-digitalean gaude, eta ziber-indarkeria matxisten aurrean, gero eta erronka eta galdera gehiago sortzen zaizkigu genero-joeren inguruan.

Laguntzen digute teknologia hauek? Zaurgarriago sentitzen gara? Indarkeria hauen aurrean laguntza-sareak eta feministak sortzen ditugu?

Galdera horien erantzunak zaildu egiten dira nerabezaroan kokatzen baditugu, eta are gehiago haurtzaroan. Korapilatzen da gaia, hori guztia ikuspegi kritiko eta askotariko batetik aztertu nahi bada, intersekzionalitatetik, alegia.

Galdera eta planteamendu horiek guztiak abiapuntu hartuta, elkarrekin hausnartzeko eta elkar ulertzeko gune bat ireki nahi da. Lehenik eta behin, nerabezaroaren eta haurtzaroaren errealitate digitala ikuspegi anitz eta ez lausengarri batetik ulertzen lagun diezagukeen klabeak ezagutu nahi ditugu, gero, autozainketako eta erresistentzia digitaleko balizko jarraibideen inguruan eztabaidatu ahal izateko".